ДУШАНБЕ, 2 авг — Sputnik. Дар Тоҷикистон теъдоди мусодирашудаи маводи мухаддир афзоиш ёфтааст.
Дар ин бора намояндаи Агентии назорати маводи нашъаовар дар нишасти хабарии ҳисоботӣ хабар дод.
Ҳамин тавр, ба гуфтаи ин ниҳод, дар нимсолаи аввали соли 2023 нерӯҳои амниятӣ 366 кг маводи мухаддирро мусодира кардаанд.
Ин рақам нисбат ба ҳамин давраи соли гузашта 115 кило ё 45% зиёд аст.
Дар ҳамин ҳол, шумори худи ҷиноятҳо дар ин самт ба таври қобили мулоҳиза кам шудааст.
Дар давраи ҳисоботӣ аз ҷониби Агентӣ 69 ҷиноят ошкор карда шуда бошад, дар ҳамин марҳилаи соли гузашта 82 ҷиноят ба қайд гирифта шудааст.
Ёдовар мешавем, ки дар авоили тобистон дар Душанбе ҷаласае баргузор шуд, ки баргузории амалиёти "Кӯкнор-2023"-ро назорат ва ҳамоҳанг мекунад.
Дар рафти чорабинӣ ҳозирин масъалаи ошкор ва нобудсозии растаниҳои худрӯй ва ғайриқонунӣ шинондашударо баррасӣ намуданд.
Мутахассисон ҳамчунин нақшаи бастани хатсайрҳои интиқоли ғайриқонунӣ, масирҳои интиқоли маводи мамнӯъ ва чораҳои пешгирӣ аз истеъмоли маводи мухаддирро муайян карданд.