ДУШАНБЕ, 29 июн — Sputnik. Маълум шуд, ки Гран Прии Душанбе оид ба ҷудо - 2024 кай баргузор мешавад.
Тибқи иттилои Федератсияи байналмилалии ҷудо, мусобиқа рӯзҳои 3-5 май баргузор шуда, оғози ҳар рӯз соати 17:00 ба вақти маҳаллӣ дар назар аст.
Дигар мусобиқаҳои Гран-при дар Лиссабон (26-28 январ), Линс (7-9 март) ва Загреб (13-15 сентябр) баргузор мешаванд.
Илова бар ин, дар тақвиме, ки федератсия нашр кардааст, рӯзҳои баргузории мусобиқоти бузург дар пойтахтҳои Осиёи Марказиро нишон медиҳад.
Ҳамин тавр, мусобиқаҳо 1—3 март дар Тошканд ва 10—12 май дар Алмаато барпо мегарданд.
Ёдовар мешавем, ки ҷудокорони тоҷик дар Гран Прии Душанбе-2023 3 медали тилло ба даст оварданд.
Бино ба иттилоъи федерасиюни байналмилалии ҷудо, ҷоизаи олиро Обид Ҷебов (-66 кг), Сомон Маҳмадбеков (-81 кг) ва Комроншоҳи Устопириён (-90 кг) дарёфт карданд.
Илова бар ин, паҳлавонони тоҷик низ 3 медали нуқра гирифтанд.
Дар вазни аз ҳама боло Темур Раҳимов аз варзишгари Русия Тамерлан Башаев, Шодмон Ризоев низ аз Сомон Маҳмадбеков ва Беҳрӯз Хоҷазода (-73 кг) аз ҷудокори рустабори тоҷик Маҳмадбек Маҳмадбеков шикаст хӯрданд.
Дар ниҳоят, ягона биринҷӣ ба Тоҷикистонро Меҳрзод Сӯфиев, ки дар вазни -60 кг рақобат мекунад, овард.