ДУШАНБЕ, 9 апр — Sputnik. Фош шудани асноди махфии Амрико метавонад ба равобити ИМА ва Украина зарар расонад, менависад The New York Times.
"Як мақоми баландпояи хадамоти истихбороти Ғарб гуфт, ки нашри мавод дардовар буд ва тахмин кард, ки он метавонад мубодилаи иттилоъотро маҳдуд кунад", — хабар доданд шореҳони нашрия.
Ба гуфтаи онҳо, ҳуҷҷатҳо инчунин равшан нишон медиҳанд, ки Иёлоти Муттаҳида на танҳо Русия, балки ҳампаймонҳояшро низ ҷосусӣ мекунад.
Хабарнигорон ҳамчунин гуфтаанд, ки ифшои он дастрасии Киев ба иттилооти иктишофӣ барои анҷоми амалиёти ҷангиро мушкил мекунад, аз ҷумла бо сабаби он, ки Русия метавонад ҷосусони амрикоиро мушаххас кунад.
Илова бар ин, ин ҳодиса эътимоди кишварҳои аврупоӣ ва Украинаро ба хадамоти кашфи Амрико коҳиш медиҳад, ки боиси коҳиши табодули иттилоъоти махфӣ мешавад.
Қаблан расонаҳо хабар дода буданд, ки Пентагон ифшои умдаи матолиберо, ки вазъи низомиёни Украина ва нақшаҳои ИМА ва НАТО барои таҳкими онҳоро тавсиф мекунад, таҳқиқ мекунад.
Ёдовар мешавем, раиси ҷунбиши "Мо бо Русия ҳастем"-и Запороже Владимир Рогов гуфт, ки нақшаи амалиёти эҳтимолии зиддиҳамлаи нерӯҳои мусаллаҳи Украинаро низомиёни НАТО таҳия кардаанд.
Рогов афзуд, фармондеҳии Русия аз ният ва омодагии душман огоҳ аст.