Шойгу ба халабонҳое, ки роҳгири паҳподи амрикоӣ дар Баҳри сиёҳ шуданд, мукофот дод

Вазири дифои Русия халабонҳои Су-27-ро ки паҳподи амрикоиро дар Баҳри сиёҳ роҳгирӣ кард, ба мукофоти давлатӣ пешниҳод кард
Sputnik
ДУШАНБЕ, 17 мар — Sputnik. Вазири дифои Русия Сергей Шойгу пас аз ҳодиса бо паҳподи амрикоии MQ-9 Reaper ба халабонҳои рус мукофот супорид, иттилоъ додааст вазорати дифоъ.
“Вазири дифои Русия генерали артиш Сергей Шойгу халабонҳои ҳавопаймои Су-27-ро, ки паҳподи амрикоии MQ-9 дар минтақаи истифодаи муваққатии фазо роҳгирӣ карданд, ба мукофоти давлатӣ пешниҳод шуданд”, - гуфта мешавад дар хабари вазорат.
Ба иттилои манбаъ, ҳодиса субҳи сешанбе дар минтақаи Қрими Русия рух додааст.
Паҳподи амрикоӣ бо транспондерҳои хомӯшшуда ба самти Русия парвоз карда, сарҳади минтақаи низоми муваққатии истифодаи фазоро, ки бо мақсади гузаронидани амалиёти вижаи низомӣ муқаррар шудааст, вайрон кард.
Амалиёти вижаи Русия барои ҳимояи Донбасс: охирин хабарҳо
Видеои бархурди ҷангандаи Русия бо паҳподи амрикоӣ дар Баҳри сиёҳ
Пас аз кашфи паҳподи амрикоӣ, ҷангандаҳои русӣ зуд парвоз карданд ва онро роҳгир шуданд.
Паҳпод бо аз даст додани контрол, идораашро гум кард ва ба об суқут кард. Вазорати дифои Русия таъкид кард, ки ҷангандаҳои Русия бо MQ-9 нарасиданд ва аз аслиҳа низ истифода накарданд ва ҷангандаҳои русӣ ба фурудгоҳ баргаштанд.
Дар ҳамин ҳол, мақомоти ИМА таъкид кардааст, ки паҳпод баъд аз бархурди чархаш бо ҳавопаймо идораашро гум карда ба баҳр суқут кардааст.