ДУШАНБЕ, 5 ноя — Sputnik. Донишҷӯёни Донишгоҳи давлатии омӯзгории Тоҷикистон имкон доранд, то 20% маблағи шартномаро насупоранд. Чунин имкониятро барои донишҷӯён Раёсати донишгоҳи мазкур фароҳам овардааст.
Бар хабари котиботи донишгоҳи мазкур, раёсат иниқдомро ба хотири 30-юмин солгарди Иҷлосияи 16-уми Шӯрои Олии Тоҷикистон ва ҳамчунин Рӯзи президент ба назар гирифтааст.
Шарти донишгоҳ чунин аст: донишҷӯён бояд аз 15 ноябр чорсад вожаи пешниҳодшудаи забонҳои русӣ ва англисӣбо иловаи ду ғазал аз осори шоирони классику муосир аз бар намоянд”.
Ҳамзамон донишҷӯёне, ки маблағи шартномаро пурра супоридаанд, дар сурати иҷрои ин шарт 20% пули онҳо баргардонда мешавад.
Маврид ба зикр аст, ки бо фармоиши Вазири маорифи Тоҷикистон аз 13 сентябри соли равон омӯзиш ва аз ёд кардани 400 вожаи серистеъмоли забонҳои тоҷикӣ, русӣ, англисӣ барои омӯзгорону хонандагони муассисаҳои таҳсилоти миёнаи умумӣ, устодону донишҷӯёни муассисаҳои таҳсилоти ибтидоӣ, миёна, олии касбӣ ва кормандони соҳаи маориф ва илм ҳатмӣ дониста шудааст.