ДУШАНБЕ, 23 май — Sputnik. Пешниҳоди лоиҳаи қонун ба Радаи Болоӣ дар бораи мақоми махсуси ҳуқуқии шаҳрвандони Лаҳистон дар Украинаро нақзи соҳибихтиёрии ин кишвар гуфт намояндаи расмии Вазорати корҳои хориҷии Русия Мария Захарова.
Лоиҳаи Қонун дар бораи мақоми махсуси шаҳрвандони Лаҳистон дар Украина пешниҳоди парлумон шудааст.
Инчунин Владимир Зеленский, раисҷумҳури Украина аз имзои созишнома бо Лаҳистон дар мавриди убури содаи сарҳад хабар дода, таъкид намуд, ки миёни давлатҳо набояд марзу монеае мавҷуд бошад. Вай изҳори бовар намуд, ки мардуми Украинаю Лаҳистонро аз нигоҳи рӯҳия ҷудо намекунанд.
"Ин садама дидани соҳибихтиёрист, чизи дигаре наметавон гуфт онро", - изҳор дошт Захарова дар саҳифааш дар "Telegram".
Дипломат ҳамчунин қайд кард, ки "соҳибихтиёрии Украина касеро дар Банкова ташвиш намедиҳад, масъалаи асосӣ на чӣ гуна нигоҳ доштани соҳибихтиёрӣ, балки ба кӣ додани он аст".
"Натиҷаҳои дуюмдараҷае низ ҳастанд, ки чӣ қадар, чанд бор ва то чӣ андоза амиқ бояд ҳамгироиро дар шакли барои Ғарб мувофиқ анҷом дод", - илова намуд Захарова.
Вай афзуд, режими Киев бо баҳонаи ҳифзи ҳувияти худ онро хароб кардааст ва мисол овард, ки "ҳашт сол худиҳоро ҳадафи тир қарор доданду ҳоло кори бесобиқаро анҷом медиҳанд - амалан ғасби кишварашро қонунӣ мекунад".
Ин дар ҳолест, ки ахиран Олга Совгиря, вакили парлумони Украина гуфт, Зеленский аз пешниҳоди лоиҳаи Қонун дар бораи мақоми махсуси ҳуқуқии шаҳрвандони Лаҳистон дар Украина хабар дод.