ДУШАНБЕ, 20 фев — Sputnik. ЮНИСЕФ ахиран аз оғози раванди тақсими кумакпулиҳо ба омӯзгорони афғонистонӣ хабар дод ва эълон кард, ки барои ҳар як омӯзгор дар моҳҳои январ ва феврал 100 доллар пардохт шудааст.
Манбаъ қайд кардааст, ки ин кумакҳо ба 194 ҳазор омӯзгори мактабҳои давлатӣ расонида шудааст.
Намояндаи ЮНИСЕФ дар Афғонистон Муҳаммад Ивиа афзуд, ки пас аз чанд моҳи номуайянӣ ва мушкилоти зиёди муаллимон мо аз он хушҳолем, ба омӯзгорони мактабҳои давлатии Афғонистон, ки барои идомаи таҳсили фарзандон талош доранд, кумаки изтирорӣ расондем”.
ЮНИСЕФ аз донорҳо даъват кардааст, ки барои кӯмак ба омӯзгорон дар Афғонистон маблағгузорӣ кунанд.
Ба гуфтаи ин созмон, дастгирии омӯзгорон як қадами муҳим дар таъмини дастрасии духтарон ва писарон ба таҳсил аст.
ЮНИСЕФ афзуд, ки барои тақсими кумак ба омӯзгорон дар Афғонистон як раванди мониторинги қавӣ идома дорад.