Навори шикасти тими бонувони футзалбози Тоҷикистон аз дастаи Эрон бо ҳисоби 0:12-ро шабакаи телевизионии "Варзиш" нашр кардааст.
Ин сабқат дар доираи даври дуюми CAFA-2022 дар Душанбе баргузор шуд. Дастаи Ӯзбекистон қаблан тими Қирғизистонро бо ҳисоби 11:0 шикаст дода буд.
Ин дар ҳолест, ки аллакай дар Душанбе даври сеюми CAFA-2022 оғоз гардида, тими эронӣ дар ин давр низ рақибони қирғизашро бо ҳисоби 10:0 шикаст дод. Рӯзи 24-уми январ дастаҳои Тоҷикистону Ӯзбекистон дар маҷмаи варзишии Душанбе вориди майдон мешаванд.
То ҳол дар ҷадвали мусобиқоти CAFA-2022 тими бонувони Эрон пешсаф мебошанд. Дастаи Ӯзбекистон дар зинаи дуюм ва сипас Қирғизистону Тоҷикистон қарор доранд.