ДУШАНБЕ, 5 ноя — Sputnik. Дар шаҳри Тошканд Форуми минтақавии ҷаласаи сарварони идораҳои наҷоти кишварҳои Осиёи Марказӣ оғоз ба кор намуд, хабар медиҳад КҲФ Тоҷикистон.
Ба иттилои манбаъ, Тоҷикистонро дар форуми мазкур генерал-лейтинант Рустам Назарзода бо як ҳайати корӣ намояндагӣ мекунад.
Гуфта мешавад, дар ҷараёни ин ҳамоиш иштироккунандагон лоиҳаҳои муҳимеро, ки татбиқи онҳо боиси баланд шудани самаранокии кор дар самти пешгирӣ аз ҳолатҳои фавқулоддаи наздимарзӣ хоҳанд шуд, мавриди баррасӣ қарор медиҳанд.
Татбиқи технологияи инноватсионӣ дар кори муҳофизати қаламрав ва аҳолӣ аз офатҳои табиӣ аз мавзуъҳои муҳими ҳамоиш мебошад.