ДУШАНБЕ, 15 июл — Sputnik. Вазорати беҳдошти Эрон омори 24 соати ахир аз сирояту фавт ва шифоёби аз коронавирусро нашр намуд.
Ба маълумоти вазорати Эрон шабонарӯзи гузашта аз ин беморӣ 201 нафар ҷон аз даст доданд. Ҳамчунин 23 655 мавориди нави сироятшавӣ сабт гардид.
Ба ҳамин минвол теъдоди умумии мубталоёни вируси COVID - 19 ба 3 миллиону 464 ҳазору 55 нафар баробар шудааст.
Теъдоди қурбониён бошад 86 592 нафарро ташкил медиҳад.
Илова бар ин дар Эро аллакай 3 миллиону 86 ҳазору 17 нафар комилан шифоӣ ёфтаанд ва аз бемористонҳо мураххас гардиданд.
Вазорати беҳдошт қайд мекунад, ки беш аз 24 ҳазор шаҳрванд аз ташхиси коронавирус гузаштаанд.
Ҳамзамон зиёда аз 5 миллион нафар вояи аввали ваксин алайҳи коронавирусро дарёфт намудаанд ва доруи дуввумро беш аз 2 миллион эрониҳо гирифтаанд.
Маврид ба зикр аст, ки дар Эрон бо ваксини сохти Русия низ шаҳрвандони худро ваксинзанӣ мекунанд.