ДУШАНБЕ, 28 июн — Sputnik. Вазорати умури хориҷаи Афғонистон имрӯз, 28 июн бо нашри як хабарнома эълом кард, ки Афғонистон ҳамвора хоҳони баргашти муҳоҷирони афғон ба ватанашон аст ва дар ин росто дар чорчӯбаи сохторҳои мавҷуд ҳамкории дуҷониба мекунад.
Вазорат дар ин хабарнома аз Покистон хостааст, ки муҳоҷиронро ҳамчун абзори фишор ба Афғонистон истифода накунад.
"Мо бад ин боварем, ки ҳамкориҳои содиқонаи Покистон дар ростои хатми хунрезӣ ва таъмини сулҳ ва ҳамшумул дар Афғонистон ба маротиб муассир аз изҳори назарҳо ва пешбиниҳои нигаронкунанда аз ҷониби мақомоти давлати Покистон мебошад", - омадааст дар изҳороти ВКХ Афғонистон.
Ёдрас мешавем, шумораи умумии муҳоҷирони афғон дар Покистон бештар аз 3 миллион нафарро ташкил медиҳад. Асосан пуштунҳои кишвар ба давлати ҳамсоя сафар мекунанд.
Новобаста аз он, ки байни Покистону Афғонистон низоми раводид ҷорист, шаҳрвандони Афғонистон ҳамчун гуреза ё меҳмон вориди Покистон мешаванд ва минбаъд ҳатто метавонанд дар урдугоҳҳои гурезаҳо қарор бигиранд.
Афғонистониҳо дар Покистон асосан дар соҳаҳои нақлиёт, савдо, саноат, сохтмон ва хизматрасонӣ фаъолият мекунанд.