ДУШАНБЕ, 17 июн — Sputnik. Дар баёнияи мудирияти Бонки Рушди Осиё таъкид шудааст, ки ин кумаки молии ройгон барои хариди ваксини корона ва бартараф кардани авоқиби бемории COVID - 19 дар Тоҷикистон ҳазина хоҳад шуд, иттилоъ додааст радиои тоҷикии Садои Хуросон.
Кумаки ройгони 25 миллион долларии Бонки Рушди Осиё ба Тоҷикистони заминаи хариди 3 миллион доза ваксинаи корона барои тазриқ ба беш аз 1 миллиону 300 ҳазор нафар аз атбоъи ин кишварро фароҳам месозад.
Ҳукумати Тоҷикистон низ бо ирояи барномаи миллии мубориза бо бемории COVID-19 аз тарҳи тазриқи ваксинаи корона ба 62 дарсад аз ҷамъияти болои 18 соли ин кишвар хабар додааст.
Теъдоди кулли ҷамъияти Тоҷикистон наздик ба 10 миллион нафар мебошад.
Бонки Рушди Осиё дар соли 2020 барои мубориза бо бемории COVID - 19 кумаки ройгони 50 миллион долларӣ ба Тоҷикистон ихтисос дода буд.
Ҳамкории Бонки Рушди Осиё ва Тоҷикистон аз соли 1998 ва дар поёни ҷанги шаҳрвандӣ оғоз шуд ва то ба ҳол беш аз ду миллиарду 400 миллион доллар ба ин кишвар кумаки молӣ ихтисос ёфтааст, ки як миллиарду 400 миллион доллари он ройгон будааст.