ДУШАНБЕ, 10 июн - Sputnik. Шавкат Мирзиёев гуфт, онҳоро дар Тоҷикистон бисёр гарм истиқбол гирифтанд.
"Пеш аз ҳама ман мехоҳам шуморо барои истиқболи анъанавии гарми дӯстона, ки аз дақиқаҳои аввали қадамзании мо ба хоки Тоҷикистон эҳсос мешуд, сипосгузорӣ кунам", - гуфт Шавкат Мирзиёев
Ба гуфти Шавкат Мирзиёев ин пешвозгирӣ аз рушди муносиботи ду кишвар дарак медиҳад.
Бояд гуфт, ки ба хотири истиқболи сазовори президенти Ӯзбекистон дар фурудгоҳи Душанбе садҳо духтари атласпӯш саф ороста буданду ба пешвози кишвардори Ӯзбекистон худи раисиҷумҳури Тоҷикистон - Эмомалӣ Раҳмон омада буд.
Дар идомаи суҳбат кишвардори Ӯзбекистон, аз рушди шаҳри Душанбе гуфту онро нишонаи пешрафти истиқодии Тоҷикистон хонд.
Ёдрас мешавем, ки президенти Ӯзбекистон Шавкат Мирзиёев бо даъвати Эмомалӣ Раҳмон рӯзҳои 10 ва 11 июн дар Тоҷикистон хоҳад буд.
Дар доираи ин сафар Шавкат Мирзиёев аз вилояти Суғд низ боздид мекунад.
Ҳамзамон сарони кишварҳо дар маросими гулгузорӣ назди муҷассамаи Шоҳ Исмоили Сомонӣ ширкат хоҳанд кард.
Анҷоми рӯзи аввали сафари Шавкат Мирзиёев ба Тоҷикистон - консерти бошукӯҳ "Шоми дӯстӣ" бо ширкати 250 санъаткори Тоҷикистону Ӯзбекистон хоҳад буд.