Толибон дар саросари Афғонистон барои се рӯз оташбас эълон кард

Гурӯҳи "Толибон" (мамнӯъ дар Русия) дар Афғонистон барои се рӯз оташбас эълом кард
Sputnik
ДУШАНБЕ, 11 май - Sputnik. Муҳаммад Наим Урдук, сухангуи дафтари сиёсии "Толибон" (мамнӯъ дар Русия) дар Қатар ахиран эълом кард, аъзои ин гурӯҳ дастур гирифтаанд, ки аз рӯзи аввал то рӯзи сеюми Иди Фитр ҳамалоташонро зидди нерӯҳои давлатии Афғонистон мутаваққиф кунанд, иттилоъ додааст хабаргузории “Парстудей”.
"Толибон" (мамнӯъ дар Русия) дар ҳоле оташбаси серӯза эълом кард, ки ин гурӯҳ дар моҳи Рамазон ба рағми дархостҳои давлати Афғонистон барои барқарории оташбас, ҷангу ҳамла ба манотиқи мухталифи ин кишварро шиддат додааст.
Кай онҳоро интизор шуд? Толибон шимоли Афғонистонро зери назорати худ мегиранд
Бар асоси омори Вазорати кишвари Афғонистон, дастикам 100 ғайринизомии афғон дар ҳамалоти як моҳи ахири "Толибон" (мамнӯъ дар Русия) кушта шудаанд.
Давлати Афғонистон ҳамчунин ин гуруҳро масъули ҷинояти рӯзи шанбе дар ғарби Кобул медонад, ки дар он 63 нафар, ки бештар донишомӯзони як мадрасаи духтарона буданд, кушта ва 150 тан захмӣ шуданд.