Дар Тоҷикистон сар аз 15 то 18 октябри соли равон, Рӯзҳои фарҳангии Кувайт баргузор мешаванд. Ҳадаф аз баргузор шудани чорабинии мазкур, тақвият бахшидани муносибатҳои дӯстонаи ду кишвар арзёбӣ мешавад.
Шоми 15 октябр дар бинои Театри давлатии академии опера ва балети ба номи С. Айнӣ ифтитоҳи Рӯзҳои фарҳангии Давлати Кувайт дар Тоҷикистон баргузор гардид.
Ёдгориҳои фарҳангии тоҷикон дар осорхонаи Шарқ дар шаҳри Маскав – навор
Нахуст дар фойеи театр меҳмонон аз намоиши аксҳо оид ба муносибатҳои дипломатии Тоҷикистону Кувайт ва мусаввараҳои рассомони кувайтӣ дидан намуданд.
Дар навори мазкур рассоми муваффақи кувайтӣ Фасал Машъал намунаи шоҳкориҳои худро ба маърази тамошо гузоштааст.
"Дар аксҳои ман қаҳрамонҳое инъикос ёфтаанд, ки ҳаводиси воқеии феълиро нишон медиҳанд. Яке даст надорад, дигаре пой ва ё даҳон. Ҳадафи ман нишон додани асли воқеии ҳаёти имрӯза буд. Чун одамон мушкилиро мебинанд, аммо аз баён ва ё пайдо кардани роҳи ҳалли он худдорӣ мекунанд, аниқтараш ба худ бовар намекунанд", - афзудааст ин расоми кувайтӣ.
Маврид ба зикр аст, ки Кувайт аз нахустин давлате буд, ки истиқлолияти Тоҷикистонро пазируфт.