ДУШАНБЕ, 27 авг — Sputnik. Тибқи иттилои Кумитаи миллии олимпии Тоҷикистон, Суҳроб Хоҷаев, варзишгари тоҷиктабори Узбакистон гурзро ба масофаи 74,06 метр ҳаво дода, медали биринҷӣ ба даст овард.
Дилшод Назаров дар мусобиқа бо 14 варзишгар гурзро ба масофаи 74,16 метр ҳаво дода, ҷои дуюмро ишғол кард.
Мақоми якум бо натиҷаи 76,88 метр насиби варзишгари Қатар Ашраф Ал Сайфӣ шуд.
Дилшод Назаров се карат қаҳрамони Бозиҳои Осиё мебошад. Ӯ соли 2006 дар Доҳаи Қатар, соли 2010 дар Гуанжоуи Чин ва соли 2014 дар Инчони Корея сазовори медали тиллои бозиҳо гардида буд.