ДУШАНБЕ, 22 июл — Sputnik. Гассиев дар муҳорибаи ниҳоии WBSS мағлуб шуд ва изҳор дошт, ки пирӯзии Усик мунсифона буд. Сарфи назар аз муносиботи сарди Маскаву Киев варзишгарон эҳтироми хуби тарафайнро нишон доданд ва Усик барои ташкили ин чорабинӣ изҳори миннатдорӣ намуд.
Ин пирӯзӣ баъди он ангезаи сиёсӣ гирифт, ки Пётр Порошенко, раисиҷумҳури Украина дар бораи он изҳори назар кард.
“Суруди миллии Украина, ки имрӯз аз Маскав ба тамоми ҷаҳон садо дод, рамзи муборизаи мо ва наздикшавии пирӯзии мост”, — навишт Порошенко дар саҳифаи Twitter.
Қувваозмоӣ дар толори “Олимпийский” баргузор гардида, Усик баъди пирӯзӣ дар 12 давр унвони қаҳрамонияшро аз рӯи WBO ва WBC ҳимоят карда, баробари Ҷоми Алӣ инчунин камарбандҳои қаҳрамонии Гассиев аз рӯи IBF ва WBA-ро соҳиб шуд.