https://sputnik.tj/20210902/mehohad-hamla-kunad-qori-fasehuddin-chi-naqsha-dorad-1042014047.html
“Мехоҳад ҳамла кунад”: Қорӣ Фасеҳуддин чӣ нақша дорад?
“Мехоҳад ҳамла кунад”: Қорӣ Фасеҳуддин чӣ нақша дорад?
Sputnik Тоҷикистон
Қорӣ Фасеҳуддин, масъули қитъаи хоси “Толибон*” дар Панҷшер пас аз шикасти нерӯҳояш ба Бадахшон рафтааст
2021-09-02T01:29+0500
2021-09-02T01:29+0500
2021-09-02T01:39+0500
афғонистон
ҷанг
толибон
панҷшер
https://cdnn1.img.sputnik.tj/img/07e5/08/1a/1041892320_0:0:721:406_1920x0_80_0_0_bfcc8d619017c1faf6087920a709e164.jpg
ДУШАНБЕ, 2 сен – Sputnik. Нерӯҳои таҳти фармони ӯ дар ҷангҳои Андаробҳои вилояти Бағлон ва кӯтали Ховоки Панҷшер талафоти зиёд дидаанд. Фаҳими Даштӣ, сухангӯи Ҷабҳаи муқовимати миллии Афғонистон, ба Sputnik Тоҷикистон гуфт, дар бораи маҳалли будубоши Қорӣ Фасеҳуддин маълумоти дақиқ дар даст надоранд, аммо нерӯҳои таҳти фармони ӯ, ки умдатан аҳли Бадахшону Тахору Кундуз ҳастанд ва барои “Толибон*” меҷанганд, дар ҷабаҳоти Панҷшеру Андароб аз хатти нахуст хеле қафо зада шудаанд. “Мо ҳам ин иттилоро дорем, ки дар ҷабаҳоти Андаробу Панҷшер аксарияти кулл тоҷикону ӯзбекҳо ва хориҷиҳои арабу Осиёи Марказӣ меҷанганд. Шавоҳидашро, ки ба дастамон расид, ҳатман расонаӣ мекунем. Аммо ҳоло ҳамин қадар маълум аст, ки ҳар кӣ набуданд, шикаст хӯрданд бо талафоти сангин. Онҳо тариқи Андаробҳо аз се истиқомат – Шаршар, Чархи Фалак ва кӯтали Ховок ҳамла карданд. Ҳеҷ пешравӣ надоштанд”, - гуфт Фаҳими Даштӣ. Тибқи иттилои Ҷабҳаи муқовимати миллии Афғонистон, дар ин ҷангҳо “Толибон*” беш аз 100 кушта дода, ҳудуди 30 тани онҳо ҳам ба асорат афтодаанд ва 4 мошини “Ҳомвей”, 4 “Ренеҷер” – ашон сӯхта, як адад тӯпашон тахриб шудааст. Дар ҳамин ҳол, як манбаъи Sputnik Тоҷикистон дар шаҳри Файзободи Бадахшон иттилоъ медиҳад, ки Қорӣ Фасеҳуддин пас аз шикаст дар ҷабҳаи Панҷшер ба Бадахшон омада, толибони маҳаллиро ҷамъ мекунад ва афродашро ба вулусволиҳо фиристодааст, то сарбозгирӣ кунанд. Кӯтал ё ағбаи Анҷуман, воқеъ дар баландкӯҳҳои Ҳиндукуш, нуқтаи ниҳоии Бадахшон аз ҷануб ва Панҷшер аз шарқ аст. Он охирин ва душвортарин роҳи вурудӣ ба Панҷшер маҳсуб меёбад. Дар ҳоли сиҳат доштан ин иттилоъ баёнгари он аст, ки “Толибон*” мехоҳанд аз тамоми роҳҳои вурудӣ ба Панҷшер ҳамла кунанд, аммо нерӯҳои муқовимат мегӯянд, дар ин хат Малик, фармондеҳи Малик, ки худ зодаи Карону Мунҷон аст ва ҳам нерӯҳои муназзами Ҷабҳаи муқовимат сангар гирифтаанд. Қаблан “Толибон*” дар роҳҳои вурудӣ тариқи дараи Шутул, Даҳанаи Панҷшер ва ағбаи Ховок муваффақ ба шикасти ҷабаҳот ва вуруд ба дараи Панҷшер нашуда, бо талафоти зиёди ҷонӣ ақиб нишастанд. Тибқи иттилои Ҷабҳаи муқовимати миллии Афғонистон, дар ҷангҳои се рӯзи ахир дар тамоми ҷабаҳот беш аз 200 толиб куштаву ҳудуди 130 нафарашон ба асорат афтодаанд.* - созмони террористии мамнӯъ дар Тоҷикистон, Русия ва бархе кишварҳои дигар
https://sputnik.tj/20210826/fotehi-shimol-ghulombacha-va-sokini-honai-dustum-tojiki-masuli-hamlai-panjsher-kist-1041890643.html
https://sputnik.tj/20210901/diplomat-afghon-panjsher-zidd-tolibon-muqovimat-1041997368.html
афғонистон
панҷшер
Sputnik Тоҷикистон
info@sputnik.tj
+74956456601
MIA „Rosiya Segodnya“
2021
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
ҳамла, қорӣ фасеҳуддин,нақша
ҳамла, қорӣ фасеҳуддин,нақша
“Мехоҳад ҳамла кунад”: Қорӣ Фасеҳуддин чӣ нақша дорад?
01:29 02.09.2021 (Навсозишуда: 01:39 02.09.2021) Қорӣ Фасеҳуддин, масъули қитъаи хоси “Толибон*” дар Панҷшер пас аз шикасти нерӯҳояш ба Бадахшон рафтааст
ДУШАНБЕ, 2 сен – Sputnik. Нерӯҳои таҳти фармони ӯ дар ҷангҳои Андаробҳои вилояти Бағлон ва кӯтали Ховоки Панҷшер талафоти зиёд дидаанд.
Фаҳими Даштӣ, сухангӯи Ҷабҳаи муқовимати миллии Афғонистон, ба Sputnik Тоҷикистон гуфт, дар бораи маҳалли будубоши Қорӣ Фасеҳуддин маълумоти дақиқ дар даст надоранд, аммо нерӯҳои таҳти фармони ӯ, ки умдатан аҳли Бадахшону Тахору Кундуз ҳастанд ва барои “Толибон*” меҷанганд, дар ҷабаҳоти Панҷшеру Андароб аз хатти нахуст хеле қафо зада шудаанд.
“Мо ҳам ин иттилоро дорем, ки дар ҷабаҳоти Андаробу Панҷшер аксарияти кулл тоҷикону ӯзбекҳо ва хориҷиҳои арабу Осиёи Марказӣ меҷанганд. Шавоҳидашро, ки ба дастамон расид, ҳатман расонаӣ мекунем. Аммо ҳоло ҳамин қадар маълум аст, ки ҳар кӣ набуданд, шикаст хӯрданд бо талафоти сангин. Онҳо тариқи Андаробҳо аз се истиқомат – Шаршар, Чархи Фалак ва кӯтали Ховок ҳамла карданд. Ҳеҷ пешравӣ надоштанд”, - гуфт Фаҳими Даштӣ.
Тибқи иттилои Ҷабҳаи муқовимати миллии Афғонистон, дар ин ҷангҳо “Толибон*” беш аз 100 кушта дода, ҳудуди 30 тани онҳо ҳам ба асорат афтодаанд ва 4 мошини “Ҳомвей”, 4 “Ренеҷер” – ашон сӯхта, як адад тӯпашон тахриб шудааст.
Дар ҳамин ҳол, як манбаъи Sputnik Тоҷикистон дар шаҳри Файзободи Бадахшон иттилоъ медиҳад, ки Қорӣ Фасеҳуддин пас аз шикаст дар ҷабҳаи Панҷшер ба Бадахшон омада, толибони маҳаллиро ҷамъ мекунад ва афродашро ба вулусволиҳо фиристодааст, то сарбозгирӣ кунанд.
“Бино ба сарусадое, ки ҳаст, ӯ мехоҳад аз роҳи кӯтали Анҷумани вулусволии Карону Мунҷон, ки бо вулусволии Париёни вилояти Панҷшер ҳаммарз аст, алайҳи нерӯҳои Ҷабҳаи муқовимат дар Панҷшер як ҷабҳаи нав боз кунад”, - гуфт манбаъ.
Кӯтал ё ағбаи Анҷуман, воқеъ дар баландкӯҳҳои Ҳиндукуш, нуқтаи ниҳоии Бадахшон аз ҷануб ва Панҷшер аз шарқ аст.
Он охирин ва душвортарин роҳи вурудӣ ба Панҷшер маҳсуб меёбад. Дар ҳоли сиҳат доштан ин иттилоъ баёнгари он аст, ки “Толибон*” мехоҳанд аз тамоми роҳҳои вурудӣ ба Панҷшер ҳамла кунанд, аммо нерӯҳои муқовимат мегӯянд, дар ин хат Малик, фармондеҳи Малик, ки худ зодаи Карону Мунҷон аст ва ҳам нерӯҳои муназзами Ҷабҳаи муқовимат сангар гирифтаанд.
Қаблан “Толибон*” дар роҳҳои вурудӣ тариқи дараи Шутул, Даҳанаи Панҷшер ва ағбаи Ховок муваффақ ба шикасти ҷабаҳот ва вуруд ба дараи Панҷшер нашуда, бо талафоти зиёди ҷонӣ ақиб нишастанд.
Тибқи иттилои Ҷабҳаи муқовимати миллии Афғонистон, дар ҷангҳои се рӯзи ахир дар тамоми ҷабаҳот беш аз 200 толиб куштаву ҳудуди 130 нафарашон ба асорат афтодаанд.
* - созмони террористии мамнӯъ дар Тоҷикистон, Русия ва бархе кишварҳои дигар
