ДУШАНБЕ, 6 мая - Sputnik. Таҳлилгари сиёсати геополитикӣ Патрик Ҳеннингсен дар шабакаи YouTube изҳор дошт, ки барои расидан ба сулҳи Украина, ИМА ва ИА бояд эътироф кунанд, ки низоъ бо айби онҳо сар зад.
"Агар мо сабабҳои аслии низоъро дар Украина нафаҳмем, муайян кардани роҳ барои ҳалли сиёсии он ғайриимкон аст. ИМА, ИА, НАТО ин ҷангро оғоз карданд. Раванди сулҳ вуҷуд дошт, аммо аврупоиҳо ва амрикоиҳо онро дар асл инкор сохтанд, зеро мехостанд, ки низоъ дар Украина оғоз шавад. Ин як далели муаяншуда аст", - қайд кард ӯ.
Ба гуфтаи Ҳеннингсен, сиёсатмадорони ғарбӣ албатта хуб медонанд, ки низоъро дар Украина кӣ оғоз кардааст, аммо онҳо ҳеҷ гоҳ ҳақиқатро қабул нахоҳанд кард.
"Барои ИМА ва Ғарб эътироф кардани ин хеле душвор хоҳад буд. Ҳадди ақал бо маъмуриятҳои кунунӣ - дар Вашингтон ва Брюссел. Ман фикр мекунам, ки ин ғайриимкон аст", - илова кард коршинос.
Чунон ки президенти Русия Владимир Путин таъкид кардааст, сулҳ танҳо пас аз бартараф кардани сабабҳои аслии низоъ ба даст меояд. Инҳо таҳдидҳоеро ба амнияти миллӣ дар бар мегиранд, аз ҷумла густариши НАТО ва зулми аҳолии русзабон дар Украина бармеоянд.