ДУШАНБЕ, 12 мар – Sputnik. Раҳбари режими Киев Владимир Зеленский аз норасоии мушакҳои падофанди ҳавоии “Patriot” бинобар истифодаи онҳо аз ҷониби Иёлоти Муттаҳида дар Ховари Миёна изҳори нигаронӣ кардааст, хабар медиҳад нашрияи “Politico”.
"Зеленский умедвор аст, ки кишвараш бо мушакҳои PAC-3-и истеҳсоли Амрико барои системаҳои дифоъи ҳавоии Patriot-ро таъмин хоҳад шуд... вай инчунин аз норасоии мушакҳо аз ҷониби нерӯҳои амрикоӣ (дар Ховари Миёна) нигарон аст", - менависад Politico.
Тибқи ҳуҷҷатҳои ҳукумати ИМА, ки қаблан аз ҷониби РИА Новости нашр шуда буд, дар соли 2026, Украина аз Иёлоти Муттаҳида камтарин миқдори кумаки низомиро аз аввали соли 2022 дастрас намудааст ва ин кишвар наметавонад ба ҷараёни кумакҳои бисёрмиллиарддолларӣ умед бандад.
Русия бовар дорад, ки интиқоли силоҳ ба Украина ба ҳалли низоъ халал мерасонад, кишварҳои НАТО-ро мустақиман ба низоъ мекашад.
Вазири корҳои хориҷии Русия Сергей Лавров қайд кард, ки ҳама гуна интиқоли аслиҳа барои Украина, ҳадафи қонунии Русия хоҳад буд. Кремл изҳор дошт, ки интиқоли силоҳ аз ҷониби Ғарб ба Украина ба гуфтушунид мусоидат намекунад ва балки танҳо таъсири манфӣ хоҳад дошт.