ДУШАНБЕ, 22 янв — Sputnik. Дар музокирот оид ба ҳалли низоъ дар Украина пешрафти назаррас ба даст омадааст.
Дар ин бора, Рейтер бо иқтибос аз суханони фиристодаи махсуси Кохи Сафед Стивен Уиткофф хабар дод.
"Ман боварӣ дорам, ки ҳоло ҳама чиз ба як масъала вобаста аст ва мо аллакай имконоти гуногуни ҳалли онро баррасӣ кардем, ки маънои онро дорад, ки он ҳалшаванда аст", - гуфт ӯ.
Дипломат бовар дорад, ки хотима додан ба низоъ имконпазир аст. Ӯ инчунин таъсис минтақаи бебоҷ дар Украинаро имкопазир донист.
Владимир Путин рӯзи панҷшанбе бо Уиткофф ва домоди президенти ИМА Ҷаред Кушнер музокирот хоҳад кард. Онҳо барои идомаи муколама дар бораи ҳалли масъала ба Маскав сафар мекунанд.
Тавре ки қаблан Bloomberg хабар дода буд, ҳайати Амрико мехоҳад кафолатҳои амниятиро барои Киев баррасӣ кунад ва лоиҳаҳои нақшаҳои хотима додан ба низоъро пешниҳод кунад.
Уиткофф ва Кушнер бори охир бо Путин дар Кремл аввали моҳи декабр мулоқот карданд. Ҷонибҳо моҳияти ташаббуси сулҳи ИМА барои Украинаро баррасӣ карданд, аммо натавонистанд созиш пайдо кунанд.
Ба қавли президент, Вашингтон 27 банди нақшаи аввалияро ба чор баста тақсим кард ва пешниҳод кард, ки онҳоро алоҳида баррасӣ кунанд.