ДУШАНБЕ, 19 янв - Sputnik. Рӯзномаи бритониёии “The Guardian” менависад, ки розӣ шудани хомӯшонаи Иттиҳодияи Аврупо ба фурӯши маҷбурии Гренландия ба Иёлоти Муттаҳида ба Киев сигнали фоҷеабор мефиристад.
"Ҳарчанд Гренландия соли 1985 аз Ҷомеаи Аврупо, ыойгузини ИА, баромад, розӣ шудан ба фурӯши маҷбурии қаламрави як кишвари узви ИА сигнали фоҷеабор дар бораи нақши ИА ҳамчун бозигари геополитикӣ ва ӯҳдадории он дар назди Украина хоҳад буд",- навиштааст наврия.
Рӯзнома қайд мекунад, ки хомӯшии аврупоиҳо ва кӯшишҳои ҳалли вазъият бо роҳи дипломатӣ, бе истифода аз чораҳои ҷиддӣ ва таҳримҳо, аз нокомии стратегияи хомушкунии президенти ИМА Доналд Трамп шаҳодат медиҳад.
Рӯзи шанбе Кохи Сафед эълон кард, ки дар моҳи феврал барои Дания, Норвегия, Шветсия, Фаронса, Олмон, Бритониё, Ҳоланд ва Финландия таруфаҳои 10%-ро ҷорӣ мекунад, ки дар моҳи июн то 25% афзоиш меёбад ва то бастани созишномаи хариди Гренландия аз ҷониби Иёлоти Муттаҳида эътибор дорад.
Гренландия қисми Шоҳигарии Дания аст. Аммо, Трамп борҳо изҳор доштааст, ки ин ҷазира бояд қисми Иёлоти Муттаҳида шавад.
Мақомоти Дания ва Гренландия Вашингтонро аз тасарруфи ҷазира огоҳ карда, изҳор доштанд, ки онҳо интизоранд, ки тамомияти арзии онҳо эҳтиром карда шавад.