ДУШАНБЕ, 28 дек - Sputnik. Тоҷикистон яке аз чанд ҷумҳурии собиқи Шӯравӣ боқӣ мемонад, ки пас аз ба даст овардани истиқлолият саноатикунонии иқтисоди худро ба пуррагӣ анҷом нарасонидааст.
Барои ин, ҳукумати Тоҷикистон 10 сол аст, ки Стратегияи миллии рушдро амалӣ мекунад. Марҳилаи дуюм, ки соли 2025 ба анҷом мерасад, рушди қавии саноатиро дар кишвар, бахусус дар соҳаи истихроҷи маъданҳо ва коркарди металл, таъмин кардааст.
Рушди солонаи саноати Тоҷикистон дар солҳои охир ба ҳисоби миёна 20%-ро ташкил додааст. Суръати афзоиши ММД-и кишвар дар соли 2025 8,4%-ро ташкил дода, ба 173 млрд сомонӣ расидааст.
Ба гуфтаи таҳлилгарони Бонки Рушди Авруосиё (БАОР), иқтисоди Тоҷикистон ин суръати афзоишро дар соли 2026 нигоҳ хоҳад дошт.
Дар айни замон, кишоварзӣ ҳамчунон яке аз соҳаҳои пешбари иқтисоди Тоҷикистон боқӣ мемонад. Тасвирбаёни Sputnik Тоҷикистон рушди ин соҳаро дар дигар кишварҳои Осиёи Марказӣ нишон медиҳад.
Шаклҳои иқтисод дар кишварҳои Осиёи Марказӣ
© Sputnik
Президенти Тоҷикистон Эмомалӣ Раҳмон борҳо таъкид кардааст, ки гузариш ба иқтисоди саноатӣ барои кишвар авлавият дорад.
Ба гуфтаи Шералӣ Кабир, вазири саноат ва технологияҳои нав, кишвар қасд дорад, ки саҳми бахши саноатро дар иқтисодиёт то соли 2026 то 26% ва то солҳои 2030 то 30% афзоиш диҳад.