ДУШАНБЕ, 21 дек - Sputnik. Президенти Тоҷикистон Эмомалӣ Раҳмон барои иштирок дар вохӯрии ғайрирасмии сарони давлатҳои иштирокдори Иттиҳоди Давлатҳои Мустақил ба шаҳри Санкт-Петербурги Русия сафар кард.
Дар ин бора дафтари матбуоти раисҷумҳури Тоҷикистон хабар додааст.
Қайд карда шудааст, ки дар ин сафар Президенти Тоҷикистонро вазири корҳои хориҷӣ, ёрдамчии Президент оид ба масъалаҳои робитаҳои хориҷӣ ва дигар шахсони расмӣ ҳамроҳӣ доранд.
Ёдовар мешавем, ки бо ташаббуси президенти Русия Владимир Путин дар Санкт-Петербург мулоқоти ғайрирасмии роҳбарони кишварҳои узви Иттиҳоди Давлатҳои Мустақил (ИДМ) баргузор мешавад.
Тавре чанде пеш Кохи Кремлин хабар дода буд, мулоқоти анъанавии ғайрирасмии роҳбарони кишварҳои узви ИДМ 22 декабр баргузор мешавад.
Ҳамзамон 21 декабр ҷаласаи Шӯрои Олии Иқтисодии АвруОсиё дар Санкт-Петербург баргузор мешавад.
Путин роҳбарони ИДМ-ро дар моҳи октябр дар давраи нишасти ИДМ ба нишасти ғайрирасмии Санкт-Петербург даъват кард.
"Ман хеле хурсанд мешавам, ки шуморо дар Русия, чунон ки анъанаи мост, дар Санкт-Петербург, дар охири соли ҷорӣ, дар арафаи Соли Нав, барои мулоқоти ғайрирасмии худ бубинам", - гуфта буд раҳбари Русия.
Путин аз соли 2017 инҷониб мулоқотҳои анъанавии ғайрирасмии пеш аз Солинавӣ бо роҳбарони ИДМ-ро баргузор мекунад. Аз соли 2018 инҷониб чунин чорабиниҳо дар Санкт-Петербург баргузор мешаванд.