ДУШАНБЕ, 20 дек - Sputnik. Котиби давлатии ИМА Марко Рубио изҳор дошт, ки Иёлоти Муттаҳида низоъ дар Украинаро низои худ намешуморад, аммо итминон дорад, ки танҳо Вашингтон метавонад бо ҳарду ҷониб гуфтушунид кунад.
"Мо ба ин ҷанг кашида шудаем, аммо қатъиян бояд гуфт, ки ин ҷанги мо нест... Дар ҷаҳон танҳо як кишвар, танҳо як ниҳод вуҷуд дорад, ки воқеан қодир аст бо ҳарду ҷониб гуфтушунид кунад ва дарк кунад, ки оё роҳи осоишта барои хотима додан ба ин ҷанг имконпазир аст ва ин Иёлоти Муттаҳида аст", - гуфт Рубио ба хабарнигорон.
Котиби давлатии ИМА Марко Рубио гуфт, ки ҳалли низоъ дар Украина душвортарин вазифаи Вашингтон будааст, ҳарчанд ба назар осонтарин менамояд.
"Ман фикр мекардам, ки ин осонтарин хоҳад буд, аммо маълум шуд, ки душвортарин аст", - гуфт Рубио зимни нишасти матбуотӣ.
Котиби давлатии ИМА гуфт, ки Иёлоти Муттаҳида мавқеъҳои Русия ва Украинаро дар бораи созиш омӯхта, кӯшиш мекунад, ки бифаҳмад, ки оё онҳоро метавон ба мувофиқа расонд.
"Мо кӯшиш мекунем, ки мавқеи Русияро дарк кунем... Мо мавқеи Украинаро дарк мекунем ва кӯшиш мекунем, ки фаҳмем, ки оё ин ду чизро метавон ба мувофиқа расонд," гуфт Рубио.