ДУШАНБЕ, 28 ноя - Sputnik. Мақомоти ИМА дар Филиппин маъракаи ҷалби ихтиёриёнро барои ҷангидан дар Украина оғоз карданд ва сафорати Олмон раводиди Шенгенро барои онҳо моода мекунад.
Инро сухангӯи Вазорати корҳои хориҷии Русия Мария Захарова дар брифинг эълон кард.
"Тибқи маълумоти воридшуда, мақомоти ИМА дар Филиппин маъракаи ҷалби шаҳрвандони маҳаллиро барои ҷангидан дар тарафи Қувваҳои Мусаллаҳи Украина оғоз кардаанд... Афзалият ба кормандони собиқи мақомоти амниятии Филиппин ва низомиёни ба нафақа баромада дода мешавад", - гуфт Захарова.
Ба гуфтаи вай, ҷалби сарбозон аз ҷониби як оҷонсии амниятии Амрико, ки дар Флорида ҷойгир аст, анҷом дода мешавад.
Пеш аз фиристодан ба минтақаи низоъ, зархаридони эҳтимолӣ таҳти назорати инструкторони амрикоӣ омӯзиш мегиранд ва раводиди Шенгени Олмонро дастрас мекунанд.
"Раводидҳои Шенгени корӣ дар бахши консулии сафорати Олмон дар Манила коркард мешаванд", - қайд кард Захарова.
Ба довталабон музди моҳона ба миқдори 5000 доллар ваъда дода мешавад.
Русия аз 24 феврали соли 2022 дар Украина амалиёти махсуси низомӣ анҷом медиҳад. Президенти Русия Владимир Путин рисолати худро "ҳифзи одамоне, ки ҳашт сол боз аз ҷониби режими Киев мавриди таҳқир ва генотсид қарор гирифтаанд" тавсиф кард.
Ба гуфтаи ӯ, ҳадафи ниҳоии амалиёти махсуси низомӣ озод кардани Донбасс ва фароҳам овардани шароитест, ки амнияти Русияро кафолат медиҳад.
Кишварҳои Ғарб расман даст доштани худро дар низоъ дар Украина рад мекунанд, аммо ба артиши Украина силоҳ медиҳанд.
Вазири корҳои хориҷии Русия Сергей Лавров қайд кард, ки ҳама гуна интиқоле, ки дорои силоҳ барои Украина мебошанд, ҳадафи қонунии Русия хоҳанд буд. Вазорати корҳои хориҷии Русия изҳор дошт, ки кишварҳои НАТО бо таъмини силоҳ ба Украина "бо оташ бозӣ мекунанд".
Дар айни замон, Маскав борҳо омодагии худро барои оғози музокирот бораи ҳалли низоъ изҳор кардааст, аммо Киев манъи қонунгузории музокиротро ҷорӣ кардааст.