Дар “Хонаи русӣ”-и дар пойтахти Точикистон бахшида ба комёбиҳои маърифат, илм ва соҳаҳои дигари Русия намоишгоҳ ифтитоҳ шуд. Ба гуфтаи ташкилкунандагони намоишгоҳ, ин дар ҷумҳурӣ барои аввалин бор гузаронида мешавад.
Дар намоишгоҳ комёбиҳои ва саҳми олимон, ихтироъкорон, нависандагон, коргардонҳо, варзишгарони рус ва Шӯравӣ дар инкишофи тамаддуни ҷахонӣ намоиш дода шудааст.
"Дар намоишгоҳ бахши вижае роҷеъ ба дастовардҳо ва ҳамкориҳои Русия ва Тоҷикистон дар арсаи маориф ҷой дода шудааст. Аз ҷумла ифтитоҳи мактабҳои нав, эҳдо кардани адабиёти таълимӣ ва дастгирии ҷавонони боистеъдод", - гуфт Андрей Патрушев, мудири “Хонаи Русӣ”-и дар Душанбе.
Ба гуфтаи ӯ, коршиносон аз Русия ба намоишгоҳ як низоми хоси касбомӯзиро барои мактаббачагон овардаанд.
Ин ба хонандагони синфҳои болоии Тоҷикистон имкон медиҳад, ки касби ояндаи худро интихоб намоянд.