ДУШАНБЕ, 27 сен — Sputnik. Ёвари президенти Русия Юрий Ушаков гуфт, Русия ҳама маълумотеро, ки аз Иёлоти Муттаҳида аз манобеъи мухталиф ворид мешавад, ба назар мегирад.
"Шумо медонед, ки изҳороти оммавӣ вуҷуд дорад ва тамосҳо тавассути каналҳои пӯшида. Ва мо сигналҳоеро, ки ҳам ба таври оммавӣ ва ҳам тавассути каналҳои пӯшида интиқол дода мешаванд, ба назар мегирем - ҳамаи ин дар мавқеъи мо инъикос меёбад", - гуфт ӯ дар посух ба саволи рӯзноманигори шабакаи телевизионии "Россия 1" Павел Зарубин.
Ушаков эҳтимоли онро, ки Доналд Трамп, зимни изҳорот дар бораи Владимир Путин дар ҳошияи Маҷмаи Умумии Созмони Милал бо раҳбарони мухталиф "бозӣ кунад", рад накард.
Рӯзи сешанбе раиси Кохи Сафед изҳор дошт, ки равобити хуби шахсӣ бо раҳбари Русия, бар хилофи интизориҳо, ба ҳалли муноқишаи Украина таъсире надоштааст.
Вай ҳамчунин бар ин назар аст, ки Киев бо пуштибонии Иттиҳодияи Аврупо ва кумаки молии НАТО қодир аст тамоми заминҳои аз дастрафтаро бозпас бигирад.
Сухангӯи Кремл Дмитрий Песков дар посух гуфт, ки Трамп таҳти таъсири дидгоҳи Владимир Зеленский дар бораи Украина хулосаҳои нав баровардааст.