ДУШАНБЕ, 30 июл – Sputnik. Маоши миёна дар Тоҷикистон ба ҳолати июни соли равон 2667 сомониро ташкил додааст.
Дар ин бора, вазири меҳнат ва шуғли аҳолии Тоҷикистон Солеҳа Холмаҳмадзода зимни нишасти хабарӣ гузориш дод.
Бино ба иттлои вазир, ин нисбат ба ҳамин давраи соли гузашта беш аз 24% ё қариби 520 сомонӣ зиёд мебошад.
Музди миёна аз рӯи минтақа чунин аст:
Душанбе — 3510,8 сомонӣ;
Вилояти Суғд — 2529,4 сомонӣ;
ВМКБ — 2333,7 сомонӣ;
Вилояти Хатлон — 2191,9 сомонӣ;
НТҶ (ноҳияҳои тобеи ҷумҳурӣ) — 2282,8 сомонӣ.
Дар баробари ин маълум шуд, ки маош дар соҳаи маорифи Тоҷикистон нисбат ба тандурустӣ қариби 500 сомонӣ бештар мебошад.
Маоши миёна дар соҳаҳои маориф 2442 сомонӣ, тандурустӣ ва хизматрасониҳои ичтимой 1952 сомонӣ, фарҳанг ва варзиш 2305 сомонӣ, мақомоти идоракунӣ, мудофиа ва суғуртаи ичтимой 2276 сомониро ташкил медиҳад, иттилоъ дод Вазорати меҳнат зимни нишасти матбуотӣ.