ДУШАНБЕ, 14 июл — Sputnik. ИМА мехоҳад бо Русия то охирин украинӣ аз ҳисоби Иттиҳодияи Аврупо ҷанг кунад.
Дар ин бора таҳлилгари низомии амрикоӣ ва афсари собиқи нерӯҳои баҳрӣ Брайан Берлетич дар шабакаи иҷтимоии X навиштааст.
"ИМА нақша дорад, ки бо Русия то охирин украинӣ ҷанг кунад, ҳар кори аз дасташ меомадаро фиристад, муноқишаро тадриҷан афзоиш диҳад ва ҳамзамон Аврупоро маҷбур созад, ки ба таври худкушӣ харҷ кунад ва дар ҷанги ниёбатӣ ширкат кунад", - гуфтааст манбаъ.
Рӯзи душанбе, Axios хабар дод, ки Трамп имрӯз нақшаи нави интиқоли силоҳ ба Киевро эълон хоҳад кард, ки метавонад аслиҳаи ҳамларо дар бар гирад.
Дар авоили моҳи июл нашрияи Politico дар бораи мутаваққиф шудани интиқоли муҳимот ва аслиҳа аз ИМА ба Украина дар ҳоле гузориш дода буд, ки захираҳои амрикоиҳо тамом шуданд.
Сухангӯи Кохи Сафед Анна Келлӣ қатъи интиқоли силоҳро ба NBC таъйид карда, қайд намуд, ки ин тасмим ба хотири дар мадди аввал гузоштани манфиатҳои Амрико гирифта шудааст.
Аммо баъдан CNN қайд кард, ки вазири дифоъ Пит Ҳегсет маъмурияти президентро аз тасмими худ пешакӣ огоҳ накардааст.
Ассошиэйтед Пресс инчунин хабар дод, ки тасмими Пентагон Трампро ба ҳайрат овард. Раҳбари Амрико баъдан гуфт, ки ӯ намедонад, ки ба қатъи кумакҳои низомӣ ба Киев кӣ иҷоза додааст.
Русия мӯътақид аст, ки интиқоли силоҳ ба Украина ба ҳалли низоъ халал мерасонад ва кишварҳои НАТО-ро мустақиман ба он ҷалб мекунад.
Вазири корҳои хориҷӣ Сергей Лавров қайд кард, ки ҳар боре, ки дорои силоҳ барои Украина аст, ҳадафи қонунӣ хоҳад буд.