ДУШАНБЕ, 18 июн – Sputnik. Забеҳуллоҳ Муҷоҳид сухангӯии давлати Толибон* дар баёнияе дар расонаҳои иҷтимоӣ навишт, ки ҳамалоти Исроил, ки мунҷар ба шаҳодати фармондеҳони калидии низомӣ ва донишмандони ҳастаӣ шуд, нақзи ошкори усули асосии қавонини байналмилалӣ, ба вижа ҳокимияти миллӣ Эрон аст.
Вай идома дод, ки идомаи иқдомоти танишизо, вазъияти минтақаро шиканандатар ва нигаронкунандатар кардааст.
Толибон* аз ҳамаи тарафҳо мехоҳанд, ки ба ин мавзуъ расидагӣ карда ва аз густариши ноамнӣ ва бесуботӣ бештар дар минтақа ҷилавгирӣ кунанд.
Ба гузориши хабаргузории “ИРНА”, дар пайи ҳамлаи Исроил ба Теҳрон ва теъдодӣ аз шаҳрҳои Эрон, шуморе аз фармондиҳони низомӣ, донишмандон ва мардумони ғайринизомӣ ба шаҳодати расиданд.
Ба дунболи ин ҷинояти Исроил, раҳбари инқилоби исломии Эрон дар паёмаш фармуд, ки Исроил бояд мунтазири муҷозотӣ сахт бошад.
“Дасти қудратманди неруи мусаллаҳи Эрон ӯро раҳо нахоҳад кард”, - гуфт Хоманаӣ.
Ситоди мудирияти буҳрон аз шаҳрвандон дархост кард оромиши худро ҳифз кунанд, ба манзури ҳифзи назми умумӣ, аз ҳаргунаи иқдоми шитобзада, ки муҷиби изтироб умумӣ мешавад, худдорӣ кунанд ва фақат ба иттилооти расмӣ ва муътабар тавваҷуҳ кунанд.
Ин Ситод қайд кардааст, ки ахбору дастуруламалҳои расмиро фақат аз расонаи миллӣ, каналҳои иртиботии муътабару расонаҳои расмӣ дарёфт кунанд.
*-гурӯҳ барои амалҳои террористиаш таҳти таҳримҳои СММ қарор дорад.