ДУШАНБЕ, 8 июн — Sputnik. Раиси Раёсат Комиссияи иқтисодии АвруОсиё Бакитҷон Сагинтаев бо Сафири Чин дар Русия Чжан Ханхуй мулоқоти корӣ анҷом дод.
Ҷонибҳо дурнамои ҳамкориҳои кишварҳои узви Иттиҳодияи иқтисодии АвруОсиё ва Чинро дар чаҳорчӯби Созишномаи ҳамкориҳои тиҷоративу иқтисодиро баррасӣ карданд.
"Чин яке аз шарикони асосии иқтисодии хориҷии кишварҳои Иттиҳодияи иқтисодии АвруОсиё мебошад. Муносибатҳои мо ба принсипҳои эҳтироми мутақобила, ошкорбаёнӣ ва ҳамкории стратегӣ асос ёфтаанд", - таъкид кард раиси Раёсати Комиссияи иқтисодии АвруОсиё.
Ба гуфтаи вай, аз замони эътибор пайдо кардани Созишномаи ҳамкориҳои тиҷоративу иқтисодӣ аз соли 2019, гардиши мол миёни ИИАО ва Чин то соли 2024 беш аз ду баробар афзоиш ёфта, ба 280 миллиард доллар расидааст.
Бояд қайд кард, ки Созишномаи ҳамкориҳои тиҷоративу иқтисодӣ миёни Иттиҳодияи иқтисодии АвруОсиё ва кишварҳои узви он, аз як тараф ва Чин, аз сӯйи дигар, соли 2018 дар Остона ба имзо расида буд.