ДУШАНБЕ, 1 июн — Sputnik. Намояндаи доимии Русия Василий Небензя дар ҷаласаи Шӯрои Амнияти СММ гуфт, Маскав ба Киев имкони дубора мусаллаҳ шудан зери пардаи созишҳои оташбасро намедиҳад.
Дар ин бора хабаргузории РИА Новости иттилоъ дод.
"Шумо ба ин умед карда наметавонед. "Минск" такрор нахоҳад шуд", - гуфт Небензя.
Дипломат таъкид кард, ки аз байн бурдани сабабҳои аслии муноқишаи Украина барои ҳалли ин масъала "якбора ва ҳамеша" аҳамияти бунёдӣ дорад.
Даври нави музокироти Русияву Украина рӯзи 2 июн дар Истамбул баргузор мешавад.
Дар он Маскав ёддошти созишномаи сулҳи ояндаро, ки тамоми ҷанбаҳои рафъи сабабҳои аслии низоъро дар бар мегирад, ба Киев месупорад.
Ёдовар мешавем, ки нахустин мулоқоти намояндагони Федератсияи Русия ва Украина дар се соли ахир 16 май дар Истамбул баргузор шуд.
Тарафхо розй шуданд, ки мубодилаи миқёсан васеи асиронро гузаронда, нуктаи назари худро дар бораи имкониятҳои бастани сулҳ баён кунанд.
Киев хостори мулоқоти сарони давлатҳо дар музокирот шуд, Маскав инро ба назар гирифт.