ДУШАНБЕ, 14 апр — Sputnik. Рӯзи якшанбе низомиёни Русия ба макони баргузории нишасти ситоди фармондеҳии гурӯҳи оперативӣ-тактикии "Северск"-и Украина дар шаҳри Сума бо мушаки Искандар зарба заданд, хабар медиҳад вазорати дифоъ.
"Дирӯз, дар шаҳри Сума, нерӯҳои мусаллаҳи Русия дар шароити муқовимати фаъоли электрониии нерӯҳои мусаллаҳи Украина ва системаҳои дифоъ ҳавоии сохти хориҷӣ ба маконе, ки ҷаласаи ситоди фармондеҳии гурӯҳи амалиётии Северск баргузор шуд, бо ду мушаки Искандер-М зарба заданд", - қайд кардааст вазорат.
Гуфта мешавад, ки дар натиҷаи ин ҳамла беш аз 60 ҷангҷӯи украинӣ кушта шудаанд.
Тавре вазорати дифоъ қайд кардаст, Киев аз аҳолии худ ҳамчун сипари зинда истифода карда, дар маркази шаҳри сераҳолӣ чорабиниҳо бо иштироки низомиён баргузор мекунад.
Дар посух ба ҳамлаҳои Қувваҳои Мусаллаҳи Украина ба объектҳои ғайринизомӣ, нерӯҳои Русия мунтазам ба ҷойгиршавии ҳайати шахсӣ, техника ва зархаридон, инчунин ба инфрасохтори Украина: иншооти саноати дифоӣ, фармондеҳии низомӣ ва коммуникатсия зарба мезананд.
Дар ҳамин ҳол, Дмитрий Песков, сухангӯи Кремл борҳо таъкид карда буд, ки низомиён ба биноҳои истиқоматӣ ва муассисаҳои иҷтимоӣ зарба намезананд.