ДУШАНБЕ, 26 мар — Sputnik. Намояндагони вазорати тандурустӣ ва вазорати меҳнат, муҳоҷират ва шуғли аҳолии Тоҷикистон дар гуфтугӯ бо вазири тандурустии Молдова Алла Немеренко масъалаҳои дастрасии муҳоҷирон бо хизматрасонии тиббӣ, ёрии равонӣ ва дастгирии ин табақа, рақамикунони соҳаи тандурустӣ, омодасозии мутахассисони соҳаро баррасӣ намуданд.
Дар ин бора вазорати тандурустии Тоҷикистон хабар додааст.
Қайд карда шудааст, ки ҳайати Тоҷикистон ба Молдова барои иштирок дар як чорабинии сатҳи баланд оид ба масъалаҳои муҳоҷират байни Тоҷикистон ва кишвари Молдова, ки бо ташаббуси Созмони Байналмилалии Муҳоҷират ташкил карда шудааст сафар кардааст.
Таъкид шудааст, ки дар ин чорабинӣ ҳайати Тоҷикистонро намояндагони вазорату идораҳо ва дигар сохторҳои давлатӣ муаррифӣ намуданд.
“Ҳайати Тоҷикистон бо вазири тандурустии Молдова масъалаҳои дастрасии муҳоҷирон бо хизматрасонии тиббӣ, ёрии равонӣ ва дастгирии ин табақа, рақамикунони соҳаи тандурустӣ, омодасозии мутахассисони соҳа ва ғайра мавриди баррасӣ намуданд”, қайд кардааст вазорати тандурустӣ.
Дар ин гуфтугӯҳо муовини вазири тандурустӣ ва ҳифзи иҷтимоии аҳолии и Тоҷикистон Шодихон Ҷамшед дар ҳайати Тоҷикистон низ дар ин чорабини сатҳи баланд иштирок доштааст.