ДУШАНБЕ, 26 мар — Sputnik. Иҷрои марҳалаи аввали барномаи байнидавлатии мақсадноки СПАД дар бораи таҳкими марзи Тоҷикистону Афғонистон дар Маскав аз сӯи коршиносон баррасӣ шуд.
Дар ин бора дафтари матбуоти СПАД хабар додааст.
"Иштирокчиёни вохӯрӣ нақшаи кори минбаъдаро баррасӣ намуда, барномаи чорабиниҳои муштаракро дар бораи татбиқи марҳилаи якуми барномаи мақсадноки байнидавлатӣ ба мувофиқа расониданд", — қайд кардааст манбаъ.
Дар ҷаласа намояндагони мухталифи давлатӣ, инчунин намояндагонивазорату идораҳои дахлдори кишварҳои узви СПАД ширкат доштанд.
Моҳи январ Имангалӣ Тасмагамбетов, дабири кулли СПАД хабар дода буд, ки “барнома тадбирҳои мушаххасеро дар бар мегирад, ки ба таъмини амнияти қисмати ҷанубии минтақаи масъулияти СПАД равона шудаанд”.
Қаблан вазири корҳои хориҷии Тоҷикистон Сироҷиддин Муҳриддин изҳор дошт, ки ҷумҳурӣ аз ҳама шаклҳои ҳамкорӣ ва муколама бо Афғонистон ҳимоят мекунад.
“Тоҷикистон бо тамоми имконоти иқтисодӣ, нақлиётӣ, транзитӣ ва башардӯстона дар ихтиёраш дорад ҳамеша омода аст, барои эҳё ва шукуфоии Афғонистон мусоидат намояд”, - қайд карда буд вазири хориҷа.
Ба СПАД Русия, Арманистон, Белорус, Қазоқистон, Қирғизистон ва Тоҷикистон шомил мебошанд.