ДУШАНБЕ, 21 мар — Sputnik. Андрей Слепнев, вазири савдои Комиссияи иқтисодии АвруОсиё дар бораи роҳандозии равобити тиҷоратӣ бо Эрон изҳори назар кард ва гуфт, ки созишномаи тиҷорати озод байни ИИАО ва Эрон аз 15 май эътибор пайдо мекунад.
Вай афзуд, ки тибқи иттилои Комиссияи иқтисодии АвруОсиё, созишномаи васеъмиқёс боҷҳоро миёни ИИАО ва Эрон аз рӯи қариб 90% молҳо бекор мекунад.
Тибқи ҳисобу китобҳо, ин метавонад ба афзоиши гардиши мол байни кишварҳои ИИАО ва Эрон мусоидат кунад.
"Мо интизор дорем ин ба рушди тиҷорат такони ҷиддӣ бахшад; сатҳе, ки мо ҳоло ҳадаф дорем, 2 баробар афзоиш додани тиҷорат аст. Расонидани тиҷорат то 12 миллиард доллар. Бисёре аз коршиносон бар ин назаранд, ки ин сатҳ ҳоло ҳам ба таври кофӣ нест", - қайд кард Слепнев.
Тавре вазир хабар дод, Комиссияи иқтисодии АвруОсиё бо иштироки намояндагони мақомоти давлатии кишварҳои узви ИИАО ва соҳибкорон як қатор семинарҳо баргузор мекунад.
"Мо бо шарикони эронии худ ба мувофиқа расидем, ки харитаи роҳро таҳия ва тадбирҳои мушаххасеро пешбинӣ кунем, ки ба мо имкон диҳад, созишномаро ба кор андозем".