ДУШАНБЕ, 17 мар — Sputnik. Нахустин хатсайри мустақими ҳавоӣ дар самти Бишкек-Хуҷанд-Бишкек тавассути Ширкати "Асман Эйрлайнс"-и Қирғизистон анҷом дода шуд.
Дар ин бора хадамоти матбуоти Раиси вилояти Суғд иттилоъ медиҳад.
Қайд карда шудааст, ки нахустин мусофирони хатсайр намояндагони воситаҳои ахбори омма, блогерон ва дигар шахсони расмӣ буданд.
Хатсайр бо мақсади густариши ҳамкории иқтисодӣ, сайёҳӣ ва фарҳангӣ байни Тоҷикистон ва Қирғизистон тавассути сиёсати Президенти Тоҷикистон Эмомалӣ Раҳмон ва Президенти Қирғизистон Содир Ҷабборов фаъол гардид.
1 / 2
Перелет выполнила компания Asman Airlines, а в ходе торжественной встречи делегации из соседней страны показали достопримечательности города - Худжандскую крепость, Дворец культуры "Арбоб" и "Худжандское море".
© Foto / Пресс-служба председателя Согдийской области
Таъкид карда шудааст, ки дар ин сафар меҳмонон бо осоишгоҳи "Баҳористон", Қалъаи Хуҷанд ва Қасри таърихии Арбоб шинос шуданд.
Хатсайри нави Бишкек-Хуҷанд-Бишкек ба рушди ҳамкории иқтисодӣ ва сайёҳии ду мамлакат мусоидат намуда, барои таҳкими ҳамкорӣ имконияти нав фароҳам меорад.
Ёдовар мешавем, ки чанде пеш ҳавопаймои ширкати “Сомон-Эйр” бо ҳайати расмии Тоҷикистон ва намояндагони ВАО аз Душанбе ба Бишкек парвоз кард.
Иқдоми мазкур омили таҳкими дӯстӣ миёни мардуми ду кишвар буда, он инчунин ба рушди соҳаҳои иқтисодию сайёҳии ду кишвар кумак хоҳад кард.
Эмомалӣ Раҳмон раисҷумҳури Тоҷикистон дар маросими имзои созишномаи марзӣ эълон кард, ки Тоҷикистон ва Қирғизистон хатсайрҳои ҳавоӣ байни кишварҳоро аз сар мегиранд.
Эмомалӣ Раҳмон гуфт, 14-уми март, парвозҳои Душанбе - Бишкек ва Бишкек - Хуҷанд кушода мешаванд.
Парвозҳо дар масири Душанбе-Бишкек-Душанбе, ки аз соли 2021 қатъ шуда буд, аз сар гирифта шуд.
Дар вебсайти расмии ширкати "Сомон Эйр" парвозҳои Душанбе - Бишкек аллакай пайдо шуданд.
Чиптаҳои парвози фардоро бо нархи 87 евро харидан мумкин аст ва вақт парвоз якуним соат хоҳад буд.