ДУШАНБЕ, 11 мар — Sputnik. Дар вилояти Суғд мусобиқаи байналмилалӣ оид ба камонварӣ оғоз шуд, иттилоъ додааст Кумитаи Кор бо ҷавонон ва варзиши Тоҷикистон.
Қайд карда шудааст, ки мусобиқаи мазкур бахшида ба Наврӯзи байналмилалӣ ташкил карда шудааст.
Дар мусобиқа дастаҳои Ӯзбекистон, Қирғизистон ва Тоҷикистон бо ҳам рақобат доранд ва мусобиқа дар МД “Мактаби махсуси варзишӣ оид ба камонварӣ”-и вилояти Суғд ҷараён доарнд.
Ёдовар мешавем, ки қаблан дар Мактаби махсуси варзишӣ оид ба намудҳои камонварии вилояти Суғд мусобиқаи байналмилалии камонварӣ барои дарёфти Ҷоми Президенти Ҷумҳурии Тоҷикистон баргузор гардид.
Дар мусобиқаи байналмилалӣ, ки бахшида ба Рўзи Конститутсия ва Рӯзи Президенти Ҷумҳурии Тоҷикистон рӯзҳои 4-7 октябри соли 2024 ташкил гардид, беш аз 100 нафар варзишгарон ва мураббиён иштирок доштанд.
Барои иштирок дар ин мусобиқа варзишгарони Узбекистон, Қазоқистон, Туркманистон, Қирғизистон, Озарбойҷон, Гурҷистон, Судон, Эрон ва РУсия ба вилояти Суғд омаданд.
Ба ғолибони мусобиқа дар вазъияти тантанавӣ медалу мукофотҳои пулӣ ва Ҷом супорида шуд.