ДУШАНБЕ, 9 мар — Sputnik. Соҳибкори амрикоӣ Илон Маск дар шабакаи иҷтимоии X изҳор дошт, ки системаи интернетии моҳвораии Starlink пояи артиши Украина аст ва агар ӯ тасмим бигирад, ки онро хомӯш кунад, хатти пеши нерӯҳои мусаллаҳи Украина хароб хоҳад шуд.
"Системаи Starlink-и ман такягоҳи артиши Украина аст. Агар ман онро хомӯш кунам, тамоми хатти пеши онҳо хароб хоҳад шуд", - навиштааст Маск.
Қаблан расонаҳои ғарбӣ гузориш дода буданд, ки музокиракунандагони амрикоӣ ҳангоми баррасии созиши таъмини Амрико ба манобеъи маъдании Украина, гӯё масъалаи қатъи дастрасӣ ба системаи интернетии моҳвораии Starlink-ро матраҳ кардаанд.
Аммо, дертар соҳиби Starlink, роҳбари Департаменти самаранокии ҳукумати ИМА Маск ин маълумотро рад кард.
Қаблан, маъмурияти президенти ИМА Доналд Трамп тасмим гирифт, кӯмаки низомиро ба Украина мутаваққиф кунад.
Бино ба иттилои Bloomberg, ҳама интиқоли таҷҳизоти низомии амрикоӣ, ки ҳоло дар қаламрави Украина нест, аз ҷумла аслиҳа дар транзити ҳавопаймоҳо ва киштиҳо ва инчунин дар минтақаҳои транзитӣ дар Лаҳистон боздошта мешавад.
қаблан дар пайи баҳс бо Владимир Зеленский, президенти ИМА Доналд Трамп ба мақомоти амниятии миллӣ амр дод, тафтиш кунанд, ки оё Вашингтон метавонад интиқоли силоҳ ба Украинаро муваққатан ё комилан қатъ кунад.