ДУШАНБЕ, 20 фев — Sputnik. Бо супориши раиси Хадамоти алоқаи Тоҷикистон вазъи хизматрасониҳои алоқаи барқӣ, аз ҷумла Интернет, дар тамоми участкаҳои интихоботӣ дар саросари кишвар санҷида шуда, ҳамам онҳо бо алоқаи барқии баландсуръат дар рӯзи баргузории интихобот таъмин мегарданд.
Дар ин бора дафтари матбуоти Хадамоти алоқаи Тоҷикистон хабар додааст.
Ба ииттилои манбаъ, ин ташаббус дар ҳамкорӣ бо Комиссияи марказии интихобот ва раъйпурсии Тоҷикистон сурат гирифтаааст.
“Мақсад аз он дар сатҳи баланд баргузор шудани Интихоботи даъвати нави вакилони парлумони Тоҷикистон ва Маҷлисҳои вакилони халқи ВМКБ, вилоятҳо, шаҳри Душанбе, шаҳру ноҳияҳо, ки 2-юми март баргузор мегардад, мебошад”, - қайд кардааст манбаъ.
Зикр гардидааст, ки дастрасӣ ба алоқаи барқӣ дар рафти интихобот аҳамияти хос дорад, аз ҷумла барои нозирини дохилию байналмилалӣ, намояндагони ВАО-и дохилию хориҷӣ ва коммисияҳои интихоботӣ.
Барои анҷом додани корҳои санҷишӣ сохторҳои Хадамот дар тамоми минтақаҳо ва ширкатҳои мобилӣ ҳамкориро бо масъулини участкаҳои интихоботӣ, ҶСК “Барқи Тоҷик” ва дигар ниҳодҳои дахлдор идома дода, дар кӯтоҳтарин муҳлат мушкилоти вуҷуддоштаро бартараф мекунанд.