ДУШАНБЕ, 16 янв — Sputnik. Вазири роҳу шаҳрсозии эрон Фарзонаи Содиқ, ахиран хабар дод, ки дар сафар ба Тоҷикистон ду тафоҳумнома дар хусуси тасҳили сармоягузории тарафи тоҷик дар Чобаҳор ва ҳамчунин судури хадамоти фаннӣ ва муҳандисӣ ба имзо хоҳад расид.
Фарзонаи Содиқ дар ҳошияи ҷаласаи ҳайати давлат ахиран дар ҷамъи хабарнигорон, баён кард, ки банда дар ду сафар раисҷумҳурро ҳамроҳӣ хоҳам кард.
Аввал сафар ба Тоҷикистон сафари баъдӣ ба Русия аст.
“Дар Тоҷикистон тафоҳумномаҳо дар ду мавзуъе, ки ба вазорати роҳу шаҳрсозӣ муртабит аст, радубадал хоҳад шуд. Аввалин мавзӯъ дар хусуси тасҳили сармоягузорӣ тарафи тоҷик дар Чобаҳор ба унвони пружаҳо ва долонҳои логистикӣ аст”, - гуфт ӯ.
Вай қайд кард, ки Тоҷикистон маҳсур дар хушкӣ аст ва ниёз ба дастрасӣ ба обҳои озод дорад.
Вай илова кард, ки ёддоштро радубадал хоҳем кард, ки иншоллоҳ дар “Чобаҳор” битавонем сармоягузориро тасҳил кунем.
Вай дар идома изҳор кард, ки тафоҳуми дигар марбут ба судури хадамоти муҳандисӣ ҳам дар ҳавзаи роҳ ва ҳам дар ҳавзаи сохтимон бо Тоҷикистон аст.
Ёдовар мешавем, ки резиденти Эрон Масъуди Пизишкиён рӯзи 15-уми январ бо сафари расмӣ ба Тоҷикистон омад.
Сафари президенти Эрон ба Тоҷикистон то 16-уми январ идома хоҳад ёфт.
Дар ин сафар гурӯҳе аз соҳибкорони баландпояи эронӣ ва намояндагони бахши саноату маъдан ва кишоварзии Ҷумҳурии Исломӣ ба Тоҷикистон меоянд.
Бояд гуфт, ки ин нахустин сафари ӯ ба унвони раисҷумҳур ба Душанбе буда, ду рӯз идома хоҳад кард ва дар ин муддат ӯро Эмомалӣ Раҳмон, раисиҷумҳури Тоҷикистон ба ҳузур мепазирад.
Тарафҳо қасд доранд бастаи бузурги асноди бахшҳои иқтисоду тиҷорат ва фарҳангро имзо кунанд.