Сӯхторҳо дар Лос-Анҷелес алакай харобиовартарин дар таърихи муосири ин шаҳр номида шудааст.
Дар давоми 24 соат, сӯхтор тақрибан 57 километри мураббаъ ба коми оташ рафт ва дуду хокистар берун аз музофот паҳн шудааст. Сӯхтор ҳоло ба Ҳолливуд расидааст. Тибқи ҳисобҳои гуногун, тақрибан 130 ҳазор нафар бояд тахлия шаванд. Ин рақам бох тағйир хоҳад ёфт.
Ба гуфтаи сӯхторнишонҳо, ки ба ҳолатҳои изтирорӣ вокуниш нишон медиҳанд, дар сӯхтори бузург, ҳадди ақал панҷ нафар кушта шудаанд.
Идораи пулиси музофоти Лос-Анҷелес гуфт, ки оташсӯзӣ ҳанӯз ҷилавгирӣ нашудааст ва шумори қурбониён метавонад афзоиш ёбад. Вазъиятро шамоли сахт ва ҳавои хушк боз ҳам мушкилтар кардааст.
Дар ғарби маркази Лос-Анҷелес, оташсӯзӣ беш аз 1000 бино, аз ҷумла хонаҳои чеҳраҳои машҳури Ҳолливуд, Энтони Ҳопкинс, Бен Аффлек, Том Ҳенкс, Марк Ҳэмил, Адам Броди, Спенсер Пратт, Ҷеймс Вудс, Пэрис Хилтон ва Леонардо Ди Каприоро ноубд кард.
Хабаргузории Reuters иттилоъ додааст, ки хисороти сӯхторҳо 52-57 миллиард доллар арзёбӣ мешавад.
Байден қаблан дар Калифорния вазъияти фалокатбор эълон карда буд.
Дар Пасадена, яке аз минтақаҳои аз ҳама осебдида, сардори оташнишонӣ Чад Августин тахмин мезанад, ки аз сӯхтор ва шамолҳои тӯфонӣ то 500 иншоот осеб дидаанд ё сӯхтаанд.
Доналд Трампи хурдӣ густариши оташсӯзӣ дар Лос-Анҷелесро ба кумакҳои Амрико ба Украина рабт дод.
Дар шабакаи иҷтимоии X, ӯ дар бораи интиқоли таҷҳизот аз ҷониби хадамоти оташнишонии шаҳр ба Украина паёмакҳо нашр кардааст.
"Оҳ, гӯш кунед, албатта департаменти сӯхторнишонкунии Лос-Анҷелес як бастаи маводи худро ба Украина ҳадя кард" , - навиштааст ӯ.
Дар шабакаи иҷтимоии Truth Social, оқои Трамп аз сиёсати Байден шикоят кард.
"Гидрантҳои оташнишонии бе об, КҲФ бе пул. Ин аст он чизе ки Ҷо Байден ба ман мегузорад. Ташаккур ба шумо, Ҷо!"