ДУШАНБЕ, 29 дек — Sputnik. Раисҷумҳури Тоҷикистон Эмомалӣ Раҳмон дар паёми солонааш ба парлумони кишвар таъкид кард, Тоҷикистон ниёз ба кадрҳои баландихтисос дорад.
“Мо ниёз ба кадрҳо дорем. Диплом зиёд садҳо ҳазор дода истодаем. Олимонам шумоаршон бад нест. Лекин мутахассиси асил надорем. Ангуштшуморанд. Ихтироъкор надорем”, - таъкид кард раҳбари Тоҷикистон.
Вай гуфт, агар Тоҷикистон имрӯз кадрҳои баландихтисос медошт буҷааш ду баробар зиёд даромад медошт.
“Ҳамин шабу рӯз. Агар мо ба IT ва иқтисодиёти рақамӣ, низои ғайринақдӣ мегузаштем, ман бовари дорам буҷети имрӯза мо ду баробар зиёд даромад медошт”, - қайд кард Эмомалӣ Раҳмон.
Вай гуфт ӯ аз рӯзи аввали роҳбарияташ ба соҳаи маориф эътибори авалиндараҷа медиҳам.
Илова бар ин, дар замони соҳибистиқлолӣ беш аз 117 ҳазор ҷавонони боистеъдоди мамлакат барои таҳсил ба донишгоҳҳои бонуфузи 42 кишвари пешрафтаи ҷаҳон фиристода шудаанд.
Вай илова кард, ки имрӯз 42 ҳазору 400 нафар ҷавонони тоҷик дар 42 давлати мутараққии ҷаҳон таҳсили илм доранд, ки 13 ҳазор нафар ё беш аз 30 фоизи онҳо духтарон мебошанд.
Вай афзуд, ки дар зинаи таҳсилоти олӣ масъалаҳои сатҳу сифати таълим, дараҷаи касбии омӯзгорон ва истифодаи технологияҳои муосир аз ҷониби онҳо, ҷорӣ намудани технологияҳои рақамӣ дар раванди таълим, таҳкими заминаи моддиву техникӣ, ҳамкориҳои байналмилалӣ, табодули илмии омӯзгорону донишҷӯён, корҳои илмиву таҳқиқотӣ ва тадбирҳои тарбиявӣ ҳанӯз ба тақвият ниёз доранд.