ДУШАНБЕ, 18 дек — Sputnik. Дар қаламрави ИДМ ҳиссаи истифодаи пули миллӣ дар ҳисоббаробаркуниҳои мутақобила бештар аз 85% шудааст.
Дар ин бора намояндаи доимии Русия дар ниҳодҳои оинномавӣ ва дигар ниҳодҳои ИДМ Андрей Грозов иброз дошт.
"Дар соҳаи савдо-иқтисод, сарфи назар аз бастаҳои гуногуни таҳримҳо алайҳи Русия ва Беларус ва таҳдиди таҳримҳои дуюмдараҷа барои дигар давлатҳо, афзоиши ММД дар кишварҳои ИДМ ба андозаи 4,7% ба қайд гирифтем. Ҳиссаи истифодаи пулҳои миллӣ дар тиҷорати мутақобил бештар аз 85% расидааст”, - гуфт оқои Грозов.
Грозов дар бораи натоиҷи раёсати Русия дар ИДМ дар соли 2024 сухан ронда, тасвиби Консепсияи ҳамкорӣ дар соҳаи энергетика барои давраи то соли 2035-ро қайд кард.
Намояндаи доимии Русия дар соҳаи ҳамоҳангсозии сиёсати хориҷӣ панҷ изҳороти аз ҷониби вазирони корҳои хориҷӣ қабулшударо таъкид намуда ва афзуд, ки формати машваратҳои бисёрсатҳи байни вазоратҳои корҳои хориҷӣ ҳамчун талабот боқӣ мемонад.
Дар самти ҳамкориҳои низомӣ ва ҳифзи ҳуқуқ, тавре Грозов изҳор дошт, рушди системаи муштараки алоқаи Қувваҳои Мусаллаҳи кишварҳои ИДМ баррасӣ шуда, дар доираи Шӯрои сарони давлатҳо муколамаи муассир ба роҳ монда шудааст.
Дар бораи лоиҳаи Барномаи ҳамкорӣ дар мубориза бар зидди терроризм ва ифротгароӣ барои солҳои 2026-2028 қарор қабул гардида, Барномаи ҳамкорӣ дар бахши решакан кардани тундгароӣ қабул карда шуд.