ДУШАНБЕ, 12 окт — Sputnik. Нерӯҳои дастаҷамъии посдори сулҳи Созмони Паймони Амнияти Дастаҷамъӣ барои баргузории тамриноти “Марз-2024” ба Тоҷикистон ворид мешаванд.
Дар ин бора маркази матбуъотии муштараки СПАД хабар медиҳад.
Ба иттилои манбаъ, тамринот аз 11 то 14 октябр дар машқгоҳи "Ҳарбмайдон" барпо мегарданд.
"Мувофиқи нақша контингентҳои нерӯҳои СПАД аз Қазоқистон, Қирғизистон ва Русия ба минтақаи тамринот фиристода мешаванд", - омадааст дар хабар.
Дафтари матбуот тавзеҳ додааст, ки яке аз авлавиятҳои ҳамкориҳои низомӣ беҳбуди истиқрори фаврии нерӯҳои СПАД, аз ҷумла транзити бидуни монеаи контингентҳо мебошад.
"Дар Тоҷикистон дар тамрингоҳи "Ҳарбмайдон <...> тамрини муштарак баргузор мешавад, ки дар ҷараёни он масъалаҳои омодагӣ ва баргузории амалиёти ҷангӣ барои нобуд кардани гурӯҳҳои мусаллаҳи ғайриқонунӣ, ки ба қаламрави як кишвари узви СПАД таҷовуз намудаанд, баррасӣ мешаванд",- афзудааст манбаъ.
Гуфта мешавад, ки як ҷанбаи муҳим дар ҷараёни машқҳо ҳамкорӣ бо воҳидҳои Қувваҳои Мусаллаҳи Тоҷикистон ва низомиёни пойгоҳи низомии 201-уми Русия хоҳад буд.