ДУШАНБЕ, 11 сен — Sputnik. Паҳлавонони тоҷик барандагони медалҳои биринҷии Бозиҳои V ҷаҳонии кӯчманчиён шуданд.
Дар рақобатҳо Дадахон Қурбоналиев дар вазни беш аз 100 кг ва Ҳақназар Назаров да вазни то 90 кг медалҳои биринҷӣ гирифтанд. Онҳо дар куреси қазоқӣ, як куштии миллии қазоқӣ шабеҳ ба куштӣ медали биринҷӣ гирифтанд.
Ҳарду варзишгари тоҷик дар гуштии миллии қазоқ рақобат карданд.
Дар Остона Бозиҳои ҷаҳонии кӯчманчиён ҷараён доранд. Дар онҳо беш аз 3 ҳазор варзишгар аз 90 кишвари ҷаҳон, аз ҷумла 56 нафар аз Тоҷикистон ширкат доранд.
Варзишгарон дар 7 намуд: куштии миллии қазоқӣ (куреси қазоқӣ), куштии миллии туркӣ (Аширмалӣ Аба Гурешӣ), кураш, арқон кашидан (аркан тартис), ордо (бозии мардумии қирғизӣ), мас-грестинг (арқандозӣ - бозии халқии халқҳои шимолии Русия) ва кучманчи (омезиши 5 намуди қудрат) рақобат мекунанд.
Дар ҳисоби умумидастаӣ дастаи Тоҷикистон дар ҷои 22-юм қарор дорад.
Мизбони мусобиқот дастаи Қазоқистон аз рӯи шумораи умумии медалҳо дар пеш аст.