ДУШАНБЕ, 6 сен – Sputnik. Бонки миллии Тоҷикистон, гуфт шаҳрвандон интиқолдиҳандагоне, ки дар кишвар қарор доранд, имкон доранд бо пешниҳоди аризаи хаттӣ бевосита ба ташкилотҳои қарзии молиявии ватанӣ муроҷиат намоянд
Шаҳрвандон ба ташкилотҳои қарзии молиявии ватанӣ барои бозпас гирифтани маблағҳои тавассути низоми пардохтии CONTACT ирсолшуда бояд аризаи хаттӣ нависанд.
Ҳамчунин, ба интиқолдиҳандагони дар хориҷи кишвар қарордошта барои бозпас гардонидани маблағҳои ба Тоҷикистон тавассути низоми пардохтии CONTACT интиқолшуда зарур аст, ки ба “Агентство по страхованию вкладов” бо пешниҳоди аризаи хаттӣ, расиди маблағи интиқолшуда ва замимаи ҳуҷҷатҳои тасдиқкунандаи интиқоли маблағ муроҷиат намоянд.
Тавре Бонки марказии Русия қаблан қайд карда буд, пас аз лағви муҷаввизи оператори низоми пардохтии CONTACT бонки Qiwi, фаъолияти низоми пардохтии CONTACT дар тамоми кишварҳои ҷаҳон, аз ҷумла Тоҷикистон, маҳдуд шуд.
Дар баробари ин, мушкили гирифтани маблағе, ки аллакай интиқол дода шуда буд, ба вуҷуд омад.
Бонки марказии Федератсияи Русия иҷозатномаи амалиёти бонкиро аз Qiwi Bank санаи 21 феврали соли 2024 лағв кард.
Ташкилоти қарзӣ дар системаи бонкии Русия ҷои 89-умро ишғол кард.
Дар фаъолияти бонк ҳолатҳои вайрон кардани қонунгузорӣ дар соҳаи мубориза бар зидди қонунигардонии даромадҳои аз ҷиноят содиршуда ошкор карда шуданд.