ДУШАНБЕ, 4 сен – Sputnik. Масъалаҳои ҷалби сармоя ба соҳаи гидроэнергетика зимни мулоқоти раиси Кумитаи давлатии сармоягузорӣ ва идораи амволи давлатӣ Раҳимзода Султон бо роҳбари ширкати машваратии давлати Ҳиндустон дар соҳаи обу гидроэнергетика ва инфрасохтор “WAPCOS Limited” Агравал Р. Баррасӣ шуд.
Дар ин бора дафтари матбуоти Кумитаи давлатии сармоягузорӣ ва идораи амволи давлатӣ хабар дод.
Ба иттилои манбаъ, тарафҳо зимни вохӯрӣ масъалаҳои ҷалби сармоя ба соҳаи гидроэнергетика, татбиқи лоиҳаҳои инфрасохторӣ ва дигар лоиҳаҳои афзалиятноки кишварро мавриди муҳоимарони қарор доданд.
Қайд карда шудааст, ки ҳамзамон тарафҳо татбиқи лоиҳаи КАСА-1000 дар самти рушди ҳамкории энергетикӣ ҳамчун омили муҳими таҳкими робитаҳои дуҷониба арзёбӣ намуданл.
Зикр гардидааст, ки тарафҳо барои тақвияти ҳамкориҳои минбаъда дар самтҳои зикршуда изҳори омодагӣ карда шуд.
Ёдовар мешавем, ки Муносибатҳои дипломатии Тоҷикистон бо Ҳиндустон 28 августи соли 1992 барқарор шуданд.
БА иттилои вазорати хориҷаи Тоҷикистон миёни ду кишвар зиёда аз 73 санади байнидавлатӣ, байниҳукуматӣ ва байниидоравӣ дар самтҳои мухталиф ба имзо расидааст.
Густариши ҳамкориҳои иқтисодию тиҷоратӣ бо Ҳиндустон яке аз самтҳои афзалиятноки муносибатҳои дуҷониба мебошад.
Дар соли 2021 гардиши мол байни ду кишвар ба 122 млн. 607 ҳазор доллар расидааст, ки нисбат ба ҳамин нишондиҳандаи соли 2020 ба андозаи 308,8% афзоиш ёфтааст.
Аз Ҳиндустон ба Тоҷикистон асосан маҳсулоти гӯштӣ, қаҳва, чой, доруворӣ, ҷавоҳирот, таҷҳизоти тиббӣ ва маҳсулоти нассоҷӣ ворид мешаванд. Растаниҳои шифобахш ва меваи хушк маҳсулоти содиротии Тоҷикистонро ба Ҳиндустон ташкил медиҳанд.
Айни ҳол, дар Тоҷикистон беш аз 57 ширкати ҳиндустонӣ фаъолият доранд ва дар реестри давлатӣ зиёда аз 1083 номгӯи маводди доруворӣ ва молҳои тиббии Ҳиндустон сабт шудааст.