ДУШАНБЕ, 24 июн — Sputnik. Арзиши пули Русия дар Тоҷикистон давоми рӯзҳои истироҳатӣ каме поинтар шудааст.
Тибқи нишондоди БМТ, ҳоло дар ҷумҳурӣ 1000 рубл 118,9 сомонӣ аст.
Ин нишондиҳанда дар қиболи додаҳои қабл аз ду рӯз ҳудуди ду сомонӣ камтар аст.
Нархи пули амрикоӣ бошад, ҳафтаро бо гаронӣ оғоз кард. Ҳоло як доллари ИМА ба 10.6539 сомонӣ баробар шудаст.
Пули аврупоӣ бошад чун рубл беқурбтар шуда, ба иттилои БМТ дар бозори ғайринақдӣ як евро - 11.3943 сомонӣ муомилот мешавад. Ин нишондиҳанда ду рӯз қабл ба 11.4090 сомонӣ баробар буд.
Бонки миллии Тоҷикистон ҳамчунин нархи миёнаи харидуфурӯши пулҳои хориҷиро дар ташкилотҳои қарзии кишвар ироа намудаст.
Ба иттилои ин ниҳод, 1 доллари ИМА аз 10.6600 то 10.7000, як евро 11.3943 то 11.5000 сомонӣ ва 1000 рубли русӣ аз 118,9 то 0.1195 сомонӣ харидуфурӯш мешавад.
БМТ ҳушдор додаст, ки берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст.
Таъкид шудааст, ки риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад.